दिर्घराज ओझा
डोकेबजार ,पुनर्बास असार २८

पश्चिम नेपालको कञ्चनपुरको पुनर्वास स्थित ब्यापारिक प्रमुख नाका डोकेबजारमा जताभावी पार्क गरिएका अटो रिक्साका कारण ट्राफिक ब्यबस्थापनमा कठिनाइ देखिए पछि आज बिहानदेखि प्रहरीले हावा फुस्काउने अभियान सुरु गरेको छ ।

नेपाल-भारतको सीमा नाका समेत रहेको डोकेबजार क्षेत्रमा बढ्दै गरेको ट्राफिक जामका कारण दुर्घटना समेत हुँदै आएको डोकेबजारमा ट्राफिक प्रहरीले प्रभावकारी कार्य गर्न नसक्दा आलोचित बन्दै गए पछि प्रहरीले जताभावी पार्किङ गरिएका अटोरिक्साको हावा फुस्काउन सुरु गरेको हो ।
कैलाली-कञ्चनपुर र भारतीय सीमा नाकाको प्रवेशद्वारका रुपमा रहेको पुनर्वासको डोकेबजारको सडकमा अटोरिक्सा चालकहरुको मनोमानी बढेका कारण सर्वसाधारणले सास्ती ब्यहोर्दै आएका थिए ।

नेपाल-भारत सिमा नाका समेत रहेको डोकेबजार बाट पुनर्वास-बेलौरी-धनगढी रुटमा चल्ने सयौं अटोरिक्साहरुले मुल सडकलाई नै पार्किङ स्थल बनाउन थाले पछि यात्रीहरुले ट्राफिक जामको समस्या झेल्दै आएका थिए ।

पुनर्वास देखि धनगढी र भारतीय नाका गौरीफन्टाको प्रवेश केन्द्रका रुपमा रहेको डोकेबजारमा बढेको अब्यबस्थित पार्किङ का कारण दैनिक सैयौं सर्वसाधारणले सास्ती भोग्दै आएका थिए ।

जताभावी हुँदै आएको पार्किङमा नियन्त्रण गरि सुरक्षित आवागमनमा सहजता ल्याउन हावा फुस्काउने अभियान सुरु गरिएको हो ट्राफिक प्रहरी जवान कृष्ण भट्ट ले बताए ।

२८ असार २०७६, शनिबार १५:०८ मा प्रकाशित