दमक, झापा, गौरादहको सामाजिक कार्यमा महत्वपूर्ण योगदान पु¥याउनुभएका स्वर्गीय नरबहादुर बस्नेतको स्मृतिमा प्रतिष्ठान स्थापना गरिएको छ । आधुनिक गौरादहका परिकल्पनाकार स्व डिठ्ठा बस्नेतको आज १०१ औँ स्मृति दिवसको अवसर पारेर प्रतिष्ठान उद्घाटन गरिएको हो ।

सामाजिक क्षेत्रमा सेवा पु¥याउने उद्देश्यले स्थापना गरिएको सो प्रतिष्ठानको प्रदेश नं १ का आन्तरिक मामिला तथा कानूनमन्त्री हिक्मत कार्कीले आज उद्घाटन गर्नुभयो । उहाँले गौरादहको विकासका लागि स्व बस्नेतको योगदान महत्वपूर्ण रहेको उल्लेख गर्दै यसमा प्रदेश सरकारले पनि सक्दो सहयोग गर्ने प्रतिबद्धता जनाउनुभयो ।

कार्यक्रममा जेष्ठ नागरिक तथा समाजमा विभिन्न सामाजिक काममा सक्रिय पाँच जना अगुवालाई सम्मानसमेत गरिएको थियो ।

यसैबीच, मन्त्री कार्कीले आजै दमक–८ मा स्थापना भएको एभरेष्ट सपिङ सेन्टरको उद्घाटन गर्दै नगरको व्यावसायिक विकासमा यस्ता उद्योग, प्रतिष्ठानले सहयोग पु¥याउने उल्लेख गर्नुभयो । दमकका युवा व्यवसायी रोहित आचार्यले आफ्नो निजी लगानीमा पाँचतले सुविधा सम्पन्न सपिङ सेन्टर सञ्चालनमा ल्याउनुभएको हो ।

झापामा फुटबलका लागि उर्वर भूमि

प्रदेश नं १ का आन्तरिक मामिला तथा कानूनमन्त्री हिक्मत कार्कीले झापा फुटबल खेलका लागि उर्बरभूमि भएको बताउनुभएको छ । झापाको बिर्तामोडस्थित डोमालाल रङ्गशालामा आजदेखि शुरु झापा गोल्डकपको उद्घाटन गर्दै उहाँले भन्नुभयो, “झापाले नेपाली फुटबलको विकासमा ठूलो योगदान गरेको छ ।”

समृद्ध मुलुक निर्माणका लागि खेल क्षेत्र पनि महत्वपूर्ण पक्ष भएको उहाँले बताउनुभयो । ‘‘खेल क्षेत्रले आपसी सद्भाव र बन्धुत्वको भावना विकास गर्छ”, उहाँले भन्नुभयो, “आर्थिक र भौतिक विकास मात्र विकास होइन ।”

झापा गोल्डकपको चौथो संस्करणमा मगमग झापा ११ ले पोखराको सहारा क्लबलाई दुईका विरुद्ध शून्य गोलले हराउँदै क्वाटरफाइनलमा प्रवेश गरेको छ । झापाले क्वाटरफाइनलमा हङकङ नेप्लीज एकेडेमी क्लबसँग प्रतिष्पर्धा गर्ने छ ।

झापाको जीतका लागि खेलाडी सञ्जोग राई नायक बने । खेलको ३५आँै मिनेटमा कप्तान कर्ण लिम्बुलाई विस्थापन गर्दै मैदान प्रवेश गरेका राईले एक गोलमा पास गरेका थिए भने अर्को गोल आफैँले गरेका थिए ।

खेलको म्यान अफ द म्याच मगमग झापा ११ का सञ्जोग राई घोषित भए । उनले रू १५ हजार प्राप्त गरेका छन् । त्यस्तै, दर्शकमध्येका शिवसतासीका भक्तिप्रसाद भण्डारीलाई लक्की ड्र बाट २० इञ्चको टिभी पाएका छन् । भोलिको खेलमा सशस्त्र प्रहरीको एपीएफ क्लब र मोरङ ११ बीच हुने आयोजक समितिले जनाएको छ ।

फागुन २७ गते सम्पन्न हुने गोल्डकपमा विजेताले रु १२ लाख ५५ हजार र उपविजेताले ६ लाख ५ हजार पुरस्कार पाउने आयोजकले जनाएको छ । ९तस्बीर उपलब्ध छ । रासस

१८ फाल्गुन २०७५, शनिबार १७:०५ मा प्रकाशित